03.01.2020. Sambo boýunça halkara federasiýasy (ç) täze ýylyň bosagasynda resmi saýtynda 2020-nji ýylda geçiriljek halkara ýaryşlaryň sanawyny ýerleşdirdi.

Ýaryşlaryň arasynda Türkmenistanda geçiriljek sambo we söweş sambosy boýunça dünýä çempionaty hem bar. Çempionat 2020-nji ýylyň noýabry aýynda Aşgabat şäherindäki Olimpiýa şäherçesinde geçiriler.

Sanawda dürli derejedäki halkara ýaryşlaryň 25-e golaýy bar. Ýylyň ilkinji halkara ýaryşy 20-21-nji fewralda geçiriljek Belarusyň Prezidentiniň kubogy ugrundaky ýaryş bolar.  

Ýylyň sambo senenamasy 23-25-nji noýabrda mekdep okuwçylarynyň arasyndaky dünýä çempionaty (Sahkadzor, Ermenistan), 2-3-nji dekabrda kadetleriň arasyndaky dünýä çempionaty (Poreç, Horwatiýa) we 12-13-nji dekabrda Ýewropanyň açyk çempionaty (Madrid, Ispaniýa) bilen jemlener.

2020-nji ýylyň 16-njy noýabrynda tutuş Ýer ýüzünde, şol sanda Türkmenistanda hem Bütindünýä sambo güni belleniler.