Türkmenistanyň telewideniýe, radiogepleşikler we kinematografiýa baradaky döwlet komitetiniň «Türkmenistan: Sport» teleýaýlymy bilen Türkmenistanyň Sport we ýaşlar syýasaty ministrliginiň bilelikde taýýarlaýan «Sport metbugatda» atly gepleşiginiň şu gün – 18-nji noýabrda nobatdaky sany tomaşaçylara ýetirildi.
Türkmenistanyň Sport we ýaşlar syýasaty ministrliginiň resmi web-saýtynda, «Türkmenistan Sport» halkara žurnalynda we «Türkmen sporty» gazetinde sport wakalarynyň şöhlelendirilişinden söhbet açýan bu gepleşik Türkmen döwlet bedenterbiýe we sport institutynda ýazgy edilýär.
«Türkmenistan: Sport» teleýaýlymy arkaly yzygiderli tomaşaçylara ýetirilip durulýan «Sport metbugatda» atly gepleşigine Türkmen döwlet bedenterbiýe we sport institutynyň sport žurnalistikasy hünäriniň talyplary işjeň gatnaşýarlar.
Gepleşigiň ýerine düşmegi üçin «Türkmenistan: Sport» teleýaýlymynyň döredijilik toparynyň tagalla edýändigini bellemelidiris.
