Aşgabadyň «Altyn asyr» futbol topary nobatdaky gezek çempionlygyny goramagy başardy. Bu topar çempionat tamamlanmaga 3 tapgyr galanda ýeňşini baýram etdi.

«Aragatnaşykçylar» 25-nji tapgyrda myhmançylykda çempionlyk ugrundaky esasy bäsdeşi «Şagadamdan» 2:1 hasabynda üstün çykdylar. 

Şeýlelikde, «Altyn asyr» altynjy gezek Türkmenistanyň futbol çempionatynyň ýeňijisi boldy. Olary bu üstünlige 43 ýaşly tälimçisi Ýazguly Hojageldiýew getirdi. 

Mundan ozal  2014, 2015, 2016, 2017 we 2018-nji ýyllarda çempion bolan «Altyn asyr» altyn medallarynyň sany boýunça Türkmenistanyň iň netijeli çykyş eden topary bolan «Köpetdag» bilen deňleşdi. 

«Altyn asyr» 2020-nji ýylda AFK-nyň kubogynyň toparçadaky ýaryşynda çykyş eder.