Türkmenistanyň Sport we ýaşlar syýasaty ministrliginiň sport çäreleriniň meýilnamasyna laýyklykda, 2019-njy ýylyň 19-njy dekabrynda sportuň dzýudo göreşi boýunça ýaşlaryň arasynda Türkmenistanyň kubogyny almak ugrundaky ýaryşa badalga berildi.

Aşgabat şäheriniň Olimpiýa şäherjiginiň Başa-baş söweş sungaty sport toplumynda başlanan ýaryşda 2000-2002-nji ýyllarda doglan oglanlar we gyzlar bäsleşerler.

2019-njy ýylyň 20-nji dekabrynda dzýudo bilen meşgullanýan oglanlaryň we gyzlaryň arasyndaky bäsleşikler dowam eder.

Dzýudonyň sportuň Olimpiýa görnüşidigi sebäpli Türkmenistanyň kubogy ugrundaky ýaryşyň bilermenlerde we janköýerlerde uly gyzyklanma döredýändigini bellemek gerek.

www.msy.gov.tm