Türkmenistanyň Prezidenti Serdar BERDIMUHAMEDOW:
- Ýurdumyzda sporty we bedenterbiýäni ösdürmäge uly üns berilýär.
TÜRKMENISTANYŇ BEDENTERBIÝE WE SPORT BARADAKY DÖWLET KOMITETI
Soňky habarlar

Türkmenistanly agyr atletikaçylar Kataryň kubogynda üstünlikli çykyş edýärler

Doha şäherinde Kataryň kubogy ugrundaky agyr atletika ýaryşy başlady. Şol bir wagtda Olimpiýa oýunlary-2020-iň saýlama ýaryşy bolup durýan bu bäsleşikde Türkmenistana 3 türgen wekilçilik edýär.

Türkmenistanyň Sport we ýaşlar syýasaty ministrliginden habar berlişi ýaly, 61 kilograma çenli agramda Dänew etrabynyň 3-nji sport mekdebiniň treneri Seýitjan Mirzaýew kümüş medal gazandy. Ol iki görnüşiň jemi boýunça 270 kilogram (birbada götermek 125 kg., itip götermek 145.) göterip, 2-nji orna düşdi. 1-nji orny gazagystanly Igor Son (278 kg) eýeledi. Italiýaly Rui Dawide (270 kg) ýaryşyň bürünç medalyna mynasyp boldy.

Türkmen döwlet bedenterbiýe we sport institutynyň 4-nj iýyl talyby Ýulduz Jumabaýewa 48 kilograma çenli agramda çykyş edip, itip götermekde 2-nji orny eýeledi (97 kg). Ol iki görnüşiň jemi boýunça 166 kilogram göterip, bürünç medal gazandy.

Ýaryş 24-nji dekabrda tamamlanar.